Fyrsta flokks gervigreindarlausn hönnuð sérstaklega fyrir íslenskar læknastofur, heilsugæslur, sjúkrahús og heilbrigðisstofnanir sem gera ítrustu kröfur um persónuvernd og öryggi sjúklingagagna.
Þegar læknar, hjúkrunarfræðingar eða ritarar nota erlend gervigreindartól á borð við ChatGPT, Copilot 365 eða Claude til að aðstoða við skráningu sjúkraskráa, berast viðkvæm sjúklingagögn úr landi til netþjóna í Bandaríkjunum eða til Evrópu á netþjóna í eigu bandarískra fyrirtækja.
Greidd áskrift breytir engu um þetta. Bandarísk lög, á borð við CLOUD Act, skylda tæknifyrirtæki til að afhenda gögn yfirvöldum óháð því hvar þau eru hýst. Þetta stangast beinlínis á við GDPR-reglugerð ESB og íslensk lög um persónuvernd og sjúkraskrár.
Fyrir heilbrigðisstofnanir sem sýsla með viðkvæmustu gögnin er þetta óásættanleg áhætta.
Með Ulf geta læknastofur, heilsugæslur og sjúkrahús nýtt gervigreind á öruggan hátt og uppfyllt allar reglugerðir um meðferð sjúkraskrárgagna til fullnustu.
Starfsfólk getur unnið með sjúkrasögur, dikteringu, skjöl og fyrirspurnir án þess að þurfa að hafa áhyggjur af hýsingu gagna eða aðgangi óviðkomandi. Auktu framleiðni starfsfólks án þess að fórna persónuvernd sjúklinga.
Ulf er ekki erlend gervigreind með íslensku viðmóti. Líkönin sem keyra í Ulf eru sérstaklega þjálfuð í íslensku – orðmyndun, beygingum, læknisfræðiheitum og íslensku samhengi. Það tryggir betri skilning, nákvæmari svör og eðlilegra málfar sem starfsfólk getur treyst í daglegri vinnu.
Ulf inniheldur sérbúin skjalasöfn fyrir heilbrigðisstarfsemi – þar á meðal klínískar leiðbeiningar, lyfjaskrár og ICD-10 kóðun. Starfsfólk getur vísað í þessi söfn beint úr spjallinu og fengið svör með tilvísun í viðeigandi heimildir.
Einnig er hægt að bæta við eigin verklagsreglum, deildarhandbókum og innri skjölum stofnunarinnar svo Ulf nýtist sem best í þínu sérhæfða vinnuumhverfi.
Starfsfólk slær einfaldlega inn skástrik í spjallgluggann til að fá valmynd með klínískum aðgerðum: SOAP-snið, vaktaskipti (SBAR), lyfjayfirlit, mismunagreiningu, samantekt á alþýðumáli fyrir sjúklinga og ICD-10 kóðun. Skráning tekur nú mínútur í stað klukkustunda.
| Lausn | Spjall | Diktering á íslensku | Skjalasöfn | Sjálfvirkar nótur | Gagnaöryggi (Innanlands) | Uppfyllir GDPR | Kostnaður |
|---|---|---|---|---|---|---|---|
| ChatGPT | ✓ | – | – | – | – | – | Breytilegur |
| Claude | ✓ | – | – | – | – | – | Breytilegur |
| Copilot 365 | ✓ | – | ✓ | – | – | – | Breytilegur |
| Gemini | ✓ | – | – | – | – | – | Breytilegur |
| Ulf | ✓ | ✓ | ✓ | ✓ | ✓ | ✓ | Fastur |
Ulf Solo er vélbúnaður ásamt UlfWeb-hugbúnaði. Lausnin samanstendur af gervigreindarþjóni sem er settur upp á þínum vinnustað.
Starfsfólk getur nýtt gervigreindina til að diktera nótur, þýða texta, talgreina upptökur og fundi, auk þess að vinna með sjúkraskrárefni án þess að nokkur gögn eða fyrirspurnir fari út fyrir hússins dyr.
Ulf Net er UlfWeb-gervigreindarþjónn hýstur innanlands með öruggri tengingu frá heilbrigðisstofnuninni til hýsingaraðila.
Öll gögn og fyrirspurnir eru hýst hjá viðskiptavini eða innlendum hýsingaraðila. Engin gögn eru flutt erlendis eða til þriðja aðila.
Næsti áfangi í þróun Ulfs er bein tenging við helstu sjúkraskrárkerfi landsins.
Ulf hentar öllum heilbrigðisstofnunum sem sýsla með viðkvæm sjúklingagögn – allt frá sjálfstætt starfandi læknum til stærri heilbrigðisstofnana með fjölda starfsmanna.
Ulf